Бурхан Хамт чуулган Христмасын баярт зориулж онцгой хүндэтгэл өргөлөө

Бурхан Хамт Чуулган Христмасын баярт зориулж онцгой хүндэтгэлийн цуглааныг хийлээ. Чуулганы бүх гишүүд хамтдаа цуглаж Христмасын хүндэтгэлийн цуглааныг Бурханд өргөсөн бөгөөд чуулганы пастор Иохан 1:1-14 зүйлээс иш татаж, хүн төрөлхтөний төлөө энэ дэлхийд махан биеийг өмсөж даруугаар ирсэн Эзэн Есүсийн хайр, золиослолын талаар номложээ.

Цуглааны дараагаар чуулганы эсийн бүлгүүд болон хүүхдийн цуглааны бяцхан хөөрхөн хүүхдүүд өөрсдийн бэлтгэж ирсэн бяцхан номеруудаар чуулганыхандаа мэндчилгээ дэвшүүлсэн байна. Эцэст нь тэд өөрсдийн авсан хайр ивээлийг хуваалцаж, бяцхан бэлгийг хүн нэг бүр хүлээн авснаар гайхалтай ивээлтэй өдөр өндөрлөжээ.