Бурхан Хамт чуулган шинэ оны эхний мөчийг Бурханд өргөлөө

Бурхан Хамт Христийн Чуулган 2018 оны хамгийн эхний мөчийг залбирал болон хүндэтгэлээр Бурханд өргөлөө. Он гарахаас өмнө чуулганы гишүүд хамтдаа цуглаж өнгөрсөн 2017 оны турш Бурханы тэдний амьдралд хийсэн бүхэнд талархлыг өргөснөөр барахгүй, он солигдох мөчид чуулганы пастор 2018 оноо Бурханд даатган залбирч, шинэ оны хамгийн анхны хүндэтгэлээ эхлүүлсэн байна.

Шинэ оны хүндэтгэлийн цуглаан дээр чуулганы пастор Исаиа 54:2-3 зүйлээс номлол айлдсан бөгөөд чуулганы итгэгчиддээ Бурханы хийх ажилд зориулж өөрсдийнхөө майхныхаа талбайг өргөтгөж, аргамжаагаа уртасгаж, Бурханаас ирэх ивээлд өөрсдийгөө бэлтгэхийг уриаллаа.

Эзэний ивээл, агуу их ажил ирж буй 2018 онд энэхүү чуулган болон гишүүд нэг бүрийн дээр дүүрэн байх болтугай.