Итгэлийн тунхаг

Манай чуулганы итгэлийн тунхаг

Бурханаар өгөгдсөн, тэнгэрлэг онгодтой, алдаа мадаггүй, цогцоороо найдвартай, итгэл болон төлөвшилт дэх бүхий л хэрэгт хамгийн дээд эрх мэдэлт Ариун Бичээст бид итгэдэг.

Эцэг, Хүү, Ариун Сүнс гэсэн гурвалаар мөнхөд оршигч цорын ганц Бурханд бид итгэдэг.

Махан бие дотор илэрхийлэгдсэн Бурхан болох бидний Эзэн Есүс Христ, Түүний онгон эмэгтэйгээс төрсөн төрөлт, Түүний гэм нүгэлгүй амьдрал, Түүний тэнгэрлэг гайхамшгууд, Түүний орлуулах болон зуучлалын үхэл, Түүний биеийн дахин амилалт, Түүний дээш одолт, Түүний зуучлагчийн ажил болон хүч ба алдар дотор Түүний Өөрийн биеэр дахин ирэх ирэлтэд бид итгэдэг.

Алдагдсан бөгөөд гэм нүгэлт хүний Есүс Христийн урсгасан цусаар дамжуулан үйлсээр бус, итгэлээр аврагдах аврал, Ариун Сүнсээр шинэчлэгдэх шинэчлэлтэд бид итгэдэг.

Итгэгч нэгний дотор нь оршиж, түүнд Эзэн Есүс Христийн төлөө ариунаар амьдарч, гэрчилж, ажиллах чадварыг өгдөг Ариун Сүнсэнд бит итгэдэг.

Христийн Бие болсон Чуулган буюу бүх үнэн итгэгчдийн Сүнсний эв нэгдэлд бид итгэдэг.

Аврагдсан болон алдагдсаны аль алиных нь амилалт; аврагдсан нэгний амийн амилалт, алдагдсан нэгний гэсгээлтийн амилалтанд бид итгэдэг.