Шинэ хүн үү?

Та манай чуулганы вэбсайтад анх удаагаа зочилж байгаа шинэ хүн үү? Хэрхэн Бурхан Хамт чуулганд хамрагдах талаар мэдэхийг хүсэж байна уу? Доорх алхмууд танд тус болно гэж найдаж байна.

  • ХҮНДЭТГЭЛИЙН ЦУГЛААНУУДАД ОРОЛЦОХ

    Манай чуулган Ням гариг бүр 09:45, Лхагва гариг бүр 17:45 цагуудад Эзэн Бурхандаа хүндэтгэлийг өргөдөг. Энэ цагт бид нар хамтдаа Эзэнийг магтан дуулж, залбирч, сургаал номлол сонсож, сэтгэгдлээ хуваалцан, мөн ширээний нөхөрлөлийн цаг гаргадаг.

  • ЗАЛБИРЛЫН ЦУГЛААНУУДАД ОРОЛЦОХ

    Пүрэв гариг бүр орой 18:00 цагаас бид бие биенийхээ бие махбодийн эрүүл мэндийн төлөө залбирдаг эдгэрлийн залбирлын цуглаантай. Баасан гариг бүр 18:00 цагаас нийтийн залбирлын цуглаантай. Хэрэв танд эрүүл мэнд болон бусад зүйлийн төлөө залбирах хэрэгцээ байвал эдгээр залбирлын цагт ирээрэй.

  • ЦУГЛАРАЛТ, СУРГАЛТ СЕМИНАРТ ХАМРАГДАХ

    Бид улирлын чанартай цугларалт (Дахин Амилалт, Зуны, Христмас гэх мэт) зохион байгуулахаас гадна, төрөл бүрийн сургалт семинаруудыг явуулдаг. Жишээ нь: ганц бие болон гэрлэсэн хүмүүст зориулсан сургалт семинар эсвэл гишүүнчлэлийн сургалт гэх мэт.

  • ЧУУЛГАНЫ ГИШҮҮНЧЛЭЛД ХАМРАГДАХ!

    Бурхан Хамт Чуулганы гишүүнчлэлд хамрагдсанаар та манай чуулганы олон идэвхтэй үйлчлэлүүдэд оролцох боломжтой. Чуулганы үйлчлэлүүд: Магтаал, Залбирал, Сайн мэдээ тараах, Сүм тарих, Хүүхдүүд, Өсвөр болон Залуучууд, Гэр бүл, Боловсрол гэх мэт.

Сургалт хөтөлбөрүүд

Бурхан Хамт чуулган нь Бурханыг хүндэтгэн мөргөх, залбирах цуглаануудаас гадна төрөл бүрийн сургалт болон баг бүлгээр явуулдаг хөтөлбөрүүдтэй. Англи хэл, гитар гэх мэт өөрсдийгөө хөгжүүлэх сургалтууд, мөн итгэл дотор хамтдаа өсөх ганцаарчилсан болон группын Библийн хичээлүүд, эсийн бүлгийн нөхөрлөлийн цагуудтай.

Хэрэв танд хариулт байхгүй олон асуултууд байгаа бол, амьдралын утга учрын талаар хариулт олох хүсэл байгаа бол, эсвэл Библийн талаар илүү ихийг мэдэх хүсэлтэй бол та бидэнтэй цаг тохирч ганцаарчилсан болон найз нөхөд, гэр бүлийн хүмүүстэйгээ Библийн хичээл заалгаж болохоос гадна, мөн бүлгийн Библийн хичээлд маань оролцож болно.

Манай чуулган мөн эсийн бүлгүүдтэй бөгөөд эсийн бүлэг бол чуулган доторх таны хамрагдах бяцхан гэр бүл гэж хэлж болно. Эсийн бүлгийн гишүүд хамтдаа өөрсдийн итгэл болон амьдралаа хуваалцаж, хамтдаа илүү дотно өсөх боломжтой. Эсийн бүлгээс гадна бид чуулганы хүрээнд улирлын болон гэнэтийн нөхөрлөлийн цаг гаргаж үйл ажиллагаануудыг явуулдаг. Та манай чуулганд тогтмол хамрагдсанаар эдгээр нөхөрлөлүүдэд оролцох боломжтой.

Эдгээр сургалт хөтөлбөрүүдэд оролцсоноор та манай чуулганы итгэгч нартай хамт өөрсдийгөө хөгжүүлэн, ирээдүйдээ хөрөнгө оруулалт хийхээс гадна баяр хөөртэй, сонирхолтой цагийг хамт өнгөрүүлж, сэтгэл санаагаа хуваалцаж, гэр бүлийн дотно харилцааг мэдрэх болно.

Та бүхнийг манай чуулганд хамрагдана гэдэгт итгэж байна.

  • Библийн Хичээл

    Сонгосон цагтаа
    Библийн хичээлийг
    ганцаарчилан заалгаж,
    мөн түүнчлэн группын 
    хичээлд хамрагдан,
    сэтгэгдлээ хуваалцах,
    хамтдаа үнэн дотор
    өсөх боломжтой.

  • Англи Хэлний Сургалт

    Манай чуулганы
    Англи хэлний сургалт нь
    анхан шатнаас дунд шатны
    суралцагчдад зориулсан.
    7 хоногт 2 удаа явагддаг.

  • Гитарын Сургалт

    Манай чуулганы
    гитарын сургалт нь
    гитар хөгжмийг анхлан
    суралцагчдад зориулсан.
    7 хоногт 2 удаа 
    явагддаг 
     

  • Эсийн Бүлгийн Нөхөрлөл

    Чуулганы эсийн бүлэг бүр
    7 хоногт нэг удаа нөхөрлөдөг.
    Хамтдаа Библи уншиж судлах,
    магтан дуулах, сайн мэдээ тараах,
    тоглоом тоглох, кино үзэх,
    салхинд гарах гэх мэт янз
    бүрийн үйл ажиллагааг
    зохион байгуулдаг.

Итгэлийн нөхөрлөл

1 Харагтун, ах дүүсийн хувьд хамтдаа нэгдмэлээр амьдрах нь
Хичнээн сайхан, хичнээн тааламжтай вэ! (Дуулал 133:1)

 

Христэд итгэх итгэлийн зам бол ганцаараа явах зам биш гэж бид итгэдэг. Христийн дотор бусад итгэгч нартайгаа цагийг хамт өнгөрүүлснээр бид итгэл дотор хамтдаа өсөж, хамтдаа боловсордог. Бурхан Хамт чуулган нь янз бүрийн бүлэг багаар хийх үйл ажиллагаанууд, мөн шинэ найз нөхөдтэй болох үйл явдал, үйлчлүүлэх болон үйлчлэх боломжийг та бүхэнд олгох болно. Та бүхэн манай чуулганд ирснээр Христийн биеийн нэгэн хэсэг болох бидэнтэй хамт өсөж, өөртөө нийцсэн нөхөрлөл, бүлгүүдэд хамрагдана гэж найдаж байна.

Байршил

  • Манай хаяг:

    Улаанбаатар хот, Сүхбаатар дүүрэг, 7-р хороо, 11-р хороолол, Дүүрэн төв 309 тоот

  • Холбогдох утас:

    (976)-77147797
    Та бидэнтэй 09:00-17:00 цагийн хооронд холбогдоно уу.

Холбоо барих





    © 2024 Бурхан Хамт Христийн Чуулган | burhanhamt@gmail.com